Чөлөөт бөхийн 2024 оны УАШТ гурав дахь өдрөө үргэлжилж өндөрлөв. Олимпын жин болох эрэгтэйчүүдийн 86 кг-ын шигшээ барилдаанд “Хилчин” спорт хорооны Б.Бат-Эрдэнэ өрсөлдөгч бөх “Төв Арж” клубийн Н.Батбилгүүнийг ялж, УАШТ-ий гурав дахь алтан медалиа хүртлээ.

       Өнгөрсөн жил тэд дэлхийн аваргын сорилгод тааран барилдахад Б.Бат-Эрдэнэ нэг оноогоор илүүрхсэн. Харин энэ удаа 7:0-ээр итгэлтэй ялалт байгууллаа. Б.Бат-Эрдэнэ Улсын аваргад түрүүлснээр олимпын эрхийн тэмцээнд улсаа төлөөлөн оролцох эрхээ авсан бол Н.Батбилгүүн Азийн аваргад өрсөлдөх болно.

      Эрэгтэйчүүдийн 86 кг-ын жинд “Хилчин”спорт хорооны  Г.Төрболд, “Алдар” спорт хорооны Т.Дэмчигдорж нар хүрэл медалийн эзэд боллоо. Т.Дэмчигдоржийн хувьд улсын аваргын хошой хүрэл медальтан болж байна.