Чөлөөт бөхийн 2024 оны УАШТ гурав дахь өдрөө үргэлжилж өндөрлөв. Азийн аваргын мөнгө, хүрэл медальт, ОУХМ Хүрэлхүүгийн Болортуяа өнгөрсөн жил 59 кг-д улсын аварга болж байв. Харин энэ удаа олимпын жин болох 57 кг-д уруудан орж ирээд дахин түрүүлж, олимпын эрхийн тэмцээнд оролцох эрхээ авлаа.

      ОУХМ Б.Хонгорзулын эсрэг хийсэн финалын барилдаанд тэрбээр 6:0-ээр хожигдож явсан ч шургуу нэхсээр 7:6 болгон илүү гарч, улмаар даралтаар цэвэр ялсан юм. Токиогийн олимпын шагналт байрын эзэн Б.Хонгорзулын хувьд ДАШТ-ий медальт, ОУХМ Э.Даваачимэг, ОУХМ Э.Гантуяа нарыг дараалан ялж, шигшээд шалгарсан ч давуу байдлаа хадгалж чадалгүй ялагдаж, мөнгөн медаль дээр бууж байна.  Энэ жингийн хүрэл медалийг “Хайрхан-Уулын дэвжээ” клубийн хоёр бөх Э.Гантуяа, Б.Энхтүвшин нар хүртлээ.