Чөлөөт бөхийн УАШТ-ий эрэгтэйчүүдийн 86 кг-ын хагас шигшээ барилдаан өндөрлөсөн. “U23” хүртэлх насны Азийн аварга Н.Батбилгүүн өрсөлдөгч бөх Г.Төрболдыг 5:2-оор ялж, улсын аваргын төлөө өрсөлдөх эрхтэй болов.

        Харин хагас шигшээгийн нөгөө барилдаанд “Хилчин”-ий Б.Бат-Эрдэнэ “Шандас” клубийн Э.Гонгорыг 6:0-ээр буулган авсан юм. Б.Бат-Эрдэнэ өнгөрсөн жил ДАШТ-д VII байр эзэлж, Азийн наадамд медалийн төлөө өрсөлдөн бэлтгэл сайн байгаагаа харуулсан.

       Улмаар 2024 оныг урамтай эхлүүлж, улсын аваргын алтан медалийн төлөө барилдахаар боллоо. Б.Бат-Эрдэнэ, Н.Батбилгүүн нар өнгөрсөн жил ДАШТ-ий сорилд тааран барилдахад Б.Бат-Эрдэнэ нэг онооны илүүгээр давамгайлж байв.