Чөлөөт бөхийн 2024 оны УАШТ-ий эмэгтэйчүүдийн 76 кг-ын жинд зургаан тамирчин зодоглосон. Тус жинд “Хилчин” спорт хорооны тамирчин, ОУХМ Н.Загардулам “В” хэсгийн хоёрдугаар байраар хагас шигшээд шалгарч, улмаар Монгол Улсын хошой аварга Г.Ариунжаргалыг 8:5-аар ялснаар алтан медалийн төлөө барилдахаар болов.

        Шигшээ барилдаанд түүнтэй ДАШТ-ий мөнгөн медальт Э.Даваанасан барилдана. Э.Даваанасангийн хувьд, таамаг ёсоор “В” хэсгийг тэргүүлж, хагас шигшээд “Хилчин” спорт хорооны тамирчин Г.Уртнасанг 4:1-ээр ялсан юм.

      Э.Даваанасан, Н.Загардулам нар хэсгийн шатанд таарч барилдахад Э.Даваанасан 7:6-аар ялсан. Үр дүн ойролцоо оноогоор өндөрлөсөн нь шигшээ барилдааныг улам сонирхолтой, хүлээлтээр дүүрэн болгож байна. Эмэгтэйчүүдийн 76 кг-ын жинд Г.Ариунжаргал, Г.Уртнасан нар хүрэл медалийн төлөө барилдана.