Чөлөөт бөхийн УАШТ-ий 59 кг-ын жингийн финалд “Хан тайшир” клубийн бөх Батхуягийн Анударь түрүүллээ. Түүний өрсөлдөгч бөх нь армийн ДАШТ-ий хүрэл медальт, “Алдар” спорт хорооны тамирчин, ОУХМ Б.Болор-Эрдэнэ байв.  Б.Анударь, Б.Болор-Эрдэнийг 7:5-аар хожлоо. Ингэснээр тэрбээр УАШТ-д анх удаа түрүүлж байна. Б.Анударь ДАШТ-ий мөнгөн медальт Б.Хулангийн төрсөн дүү бөгөөд эгч нь 53 кг-д түрүүлсэн билээ.

    Эгч, дүүс УАШТ-д нэг өдөр түрүүлсэн ховорхон мөч өнөө жилийн УАШТ-д тохиов. Энэ жингийн хүрэл медалийг “Их Монголын хүчтэн” дэвжээний Л.Эрдэнэболор хүртлээ. Тэрбээр медалийн төлөөх шийдвэрлэх барилдаанд “Хасу мегастарс” клубийн Б.Хоролгаравыг 6:2-оор хожсон юм.