Чөлөөт бөхийн 2024 оны УАШТ-ий 70 кг-ын жинд “Хилчин” спорт хорооны тамирчин, залуучуудын ДАШТ-ий хүрэл медальт, “U23” хүртэлх насны Азийн аварга Э.Тэмүүлэн, “Алдар” спорт хорооны тамирчин, “U23” хүртэлх насны Азийн аваргын хүрэл медальт Ц.Чинзориг нар алтан медалийн төлөө өрсөлдлөө.

         Тус барилдаанд Цэрмаагийн Чинзориг 8:1-ээр ялалт авч Монгол Улсын аваргаар тодорлоо.  Хүрэл медалийг Спортын төв сургуулийн тамирчин Ш.Дэлэг, “Дархан Хасу”-гийн Э.Төгсжаргал нар зүүсэн юм.

        “U23” хүртэлх насны УАШТ-ий мөнгөн медальт Ш.Дэлэгийн хувьд, гурван жил дараалан УАШТ-ээс хүрэл медаль хүртэж байна. Залуучуудын УАШТ-д гурван жил дараалан түрүүлэхдээ гурван өөр жинд аваргалсан Э.Төгсжаргал энэ удаад Насанд хүрэгчдийн УАШТ-ээс хүрэл медаль хүртлээ.