Чөлөөт бөхийн 2024 оны УАШТ-ий 97 кг-ын жинд “Алдар” спорт хорооны тамирчин, Азийн наадмын хүрэл, “U23” хүртэлх насны ДАШТ-ий хүрэл медальт, улсын харцага Г.Ганхуяг, Азийн аваргын хошой мөнгөн медальт, ОУХМ, улсын начин Ө.Батзул нар шалгарсан. Ө.Батзул начны нурууны бэртэл сэдэрсэн тул барилдалгүйгээр өрсөлдөгчдөдөө ялалтыг өгсөн юм. Ийнхүү  Г.Ганхуяг Монгол Улсын аваргад түрүүллээ. Хүрэл медалийг “Их шавь”-ийн Л.Төртогтох, “Аврагч” спорт хорооны тамирчин Б.Бадамдорж нар хүртэв.