Чөлөөт бөхийн улсын аварга шалгаруулах тэмцээний хоёр дахь өдрийн барилдаан үргэлжилж байна. Эмэгтэйчүүдийн 76 кг-ын жинд зургаан бөх зодоглож байна. "А" хэсгийг чансаагаар толгойлсон “Алдар” спорт хорооны тамирчин, ОУХМ Ганбатын Ариунжаргал хоёр ялалттайгаар тэргүүллээ.

         Тэрбээр өмнө нь насанд хүрэгчдийн УАШТ-д хоёр удаа түрүүлж, нэг мөнгө, гурван хүрэл медаль хүртээд байгаа юм. Мөн өсвөрийн УАШТ-д хоёр удаа, залуучуудын УАШТ-ээс алт, мөнгө, хүрэл гэсэн иж медальтай тамирчин билээ.Одоо түүнд УАШТ-ээс гурав дахь түрүүгээ хүртэх эсэхийг нь шийдвэрлэх чухал хоёр барилдаан үлдээд байна.