Чөлөөт бөхийн 2024 оны УАШТ-ий эмэгтэйчүдийн 59 кг-д залуучуудын ДАШТ-ий хүрэл медальт, “Алдар” спорт хорооны тамирчин Б.Болор-Эрдэнэ,  “Их Монголын хүчтэн” дэвжээний бөх Л.Эрдэнэ-Болорыг даралтаар цэвэр ялж, финалд шалгарсан.

         Харин түүнтэй өрсөлдөх “Хантайшир” дэвжээний залуу тамирчин Б.Анударь Б.Хоролгаравыг мөн цэвэр ялж, алтан медалийн төлөө өрсөлдөхөөр шалгарч үлдсэн. Б.Анударь нь ДАШТ-ий мөнгөн медальт Б.Хулангийн төрсөн дүү юм. Ингэснээр өнөөдөр эгч, дүүс хамтдаа аваргын төлөө барилдахаар болж байна. Б.Хулангийн хувьд 53 кг-ын финалд шалгараад байгаа билээ.