Булган аймгийн тэшүүрийн  өсвөр үеийн аймгийн аварга шалгаруулах тэмцээн Хишиг-Өндөр суманд болох юм байна. Тус тэмцээнийг Биеийн тамир спортын тэргүүний ажилтан, тэшүүрийн нэрт дасгалжуулагч Чүлтэмжамцын Нямсүрэн агсны нэрэмжит болгон зохион явуулахаар болжээ.

       Тэмцээн энэ сарын 27-28 ны өдрүүдэд болно. Ч. Нямсүрэн агсан нь улс, аймгийн тэмцээнд 189 удаа баг, тамирчдаа бэлтгэн оролцуулж, олон улсын хэмжээний мастер гурав, спортын мастер 25, зэрэгтэй тамирчин 495, медальтай тамирчин 504-ийг бэлтгэн гаргажээ.

       Тэрээр мөн Булган аймгийн аварга баг цолыг 26 удаа, "Улсын аварга баг" цолыг 31 удаа хүртэхэд баг тамирчдаа удирдан оролцож байсан шилдэг дасгалжуулагч байлаа.