Цар тахлын улмаас болон "Парис 2024" олимпын бэлтгэл ажлаас шалтгаалан гурван удаа хойшлоод буй "Бангкок-Чонбури - 2021" Азийн танхимын болон тулааны спортын VI наадам 2024 оны арваннэгдүгээр сарын 21-30-ны өдрүүдэд зохиогдох болсныг Азийн олимпын зөвлөлөөс зарлалаа.

      Уг наадамд Ази тивийн тамирчид 35 спортын төрлөөр 334 багц медалийн төлөө өрсөлдөх бөгөөд өмнөх "Ашгабат-2017" наадамд Монголын баг тамирчид спортын 12 төрлөөр 72 тамирчин оролцож, таван алт, 10 мөнгө, 15 хүрэл, нийт 30 медаль хүртсэнээр, багийн дүнгээр 13-р байрт шалгарсан амжилтыг үзүүлсэн билээ.