Залуучуудын өвлийн "Gangwon 2024" олимпын наадамд  оролцох манай тамирчид Өмнөд Солонгост очоод байгаа билээ. Залуучуудын олимпын наадмын замд Өмнөд Солонгосын гүйлтийн цанын насанд хүрэгчдийн улсын аварга шалгаруулах тэмцээн болжээ. Тус тэмцээнд Б.Ачбадрах оролцсон хоёр зайд мөнгөн медаль хүртсэн байна. Тэрбээр эрэгтэйчүүдийн 15 км-ийн цуваа гараатай уралдаан болон  30 км-ын бөөн гараатай уралдаанд тус тус мөнгөн медалын эзэн болжээ.

         Ийнхүү Б.Ачбадрах Монголын гүйлтийн цанын тамирчдаас Өмнөд Солонгосын УАШТ-ээс медаль хүртсэн анхны цаначин боллоо. ОУХМ Б.Ачбадрах 2023 оны арванхоёрдугаар сард "Alpensia" олимпын замд болсон уралдаанд амжилттай оролцож байсан юм. Энэ удаа БНСУ-ын аварга шалгаруулах тэмцээнээс хошой мөнгөн медалын эзэн боллоо.