Шинэ загварлаг, чанартай Итали гутлыг худалдаалж байгаа “Италта” ХХК-ийн гүйцэтгэх захирал Баянхонгор аймгийн харьяат Самдансүхийн Алтансүх нь Монгол бөхийн өргөөнд зохион байгуулагдаж байгаа улс, аймаг, сумын цолтой бөхчүүдийн барилдаанд түрүүлсэн бөхчүүдэд Итали Улсад үйлдвэрлэсэн хромон гутлыг бэлэг болгон өгөхөөр шийдвэрлэлээ.

       Энэхүү үйл ажиллагаа нь өчигдөр Монгол бөхийн өргөөнд зохион байгуулагдсан Баянхонгор аймгийн Баянбулаг сумын түүхт 100 жилийн ойд зориулсан, Монгол Улсын гавьяат дасгалжуулагч, аймгийн арслан Цэдэн-Ишийн Шийрэвийн нэрэмжит аймаг, цэргийн цолтой болон залуу 256 бөхийн барилдаанаас эхэллээ.