Олон улсын жүдо бөхийн холбооноос гишүүн үндэсний холбоо, тивийн холбоодын удирдах байгууллагад эмэгтэйчүүдийн оролцоо, байр суурийг бэхжүүлэн бататгах үндсэн зорилготой жендэрийн тэгш байдлын хороог байгуулан хамтран ажиллахаар үүрэг болгосон.  Энэ дагуу Монголын жүдо бөхийн холбооны дэргэдэх, Жендерийн тэгш байдлын хороог МЖБХ-ны ерөнхийлөгчийн албан ёсны зөвшөөрөлтэйгөөр 2022 оны арваннэгдүгээр сарын 21-ний өдөр байгуулан ажиллаж байгаа билээ.

Тус хорооны үйл ажиллагааг МУГТ, МУГД, ОУЖБ-ийн холбооны удирдах зөвлөлийн гишүүн Х. Эрдэнэт-Од удирдан явуулж мөн гишүүдээр Хөдөлмөрийн баатар МУГТ тамирчин Д. Сумьяа, Үндэсний шигшээ багийн дасгалжуулагч МУГТ М. Бундмаа, МЖБХ-ны менежер ОУ-н шүүгч М. Нямжаргал, Ерөнхий спонсор “Ивээлт талим” ХХК-ийн захирал М. Түвшинбаяр нар тус тус ажиллаж байгаа.

Энэ онд Хөдөлмөрийн баатар, МУГТ М. Уранцэцэг, “Монос” группийн захирал

Л. Эрдэнэчимэг нар удирдах зөвлөлд сонгогдон албан ёсоор бүл нэмлээ.

Энэ 2023 оны арванхоёрдугаар сарын 23-ны өдөр “Монос” групп, “Ивээлт талим” ХХК-ны ивээн тэтгэлэгтэйгээр үйл ажиллагааныхаа хүрээнд шинэ жилийн өдөрлөгийг зохион байгуулж 2023 онд амжилтаараа манлайлсан шилдэг тамирчдаа спонсорууд маань шагнаж урамшуулсан байна.

“Шилдэг насанд хүрэгчдийн тамирчин –аар МУГТ Л. Энхрийлэн шалгарчээ. Тэрбээр 2023 оны насанд хүрэгчдийн дэлхийн аварга шалгаруулах тэмцээний хүрэл медаль хүртсэн. Түүнийг амжилтыг “Ивээлт талим” ХХК нэг сая төгрөгөөр урамшуулав. “Шилдэг залуу тамирчин”-аар А.Лхагважав тодров. тэрбээр 2023 оны залуучуудын Азийн аварга шалгаруулах тэмцээний мөнгөн медаль хүртсэн.  

Мөн “Шилдэг өсвөрийн тамирчин”-аар Т. Отгонжаргал шалгарав. Тэрбээр 2023 өсвөр үеийн дэлхийн аварга шалгаруулах тэмцээний мөнгөн медаль хүртсэн билээ. Түүнд 2024 онд олон улсын тэмцээнд явах нэг удаагийн замын зардлыг “Монос” группээр гаргуулах эрх олгов. Мөн 2023 оны өсвөр үеийн Азийн шалгаруулах тэмцээний алтан медаль хүртсэн өсвөрийн тамирчин А. Дуламсүрэнг “Ивээлт Талим” ХХК-аас тус тус шагнаж урамшууллаа.