Арабын Нэгдсэн Эмират Улсад 2023 оны өсвөр үеийн шатарчдын Азийн аварга шалгаруулах тэмцээн болж байна. Тус Азийн аваргад нийт 20 өсвөрийн шатарчид эх орноо төлөөлөн оролцож байгаа.Тэмцээн рапид төрлөөр эхэлж, Монгол Улсаас 16 хүртэлх насны охидын ангилалд Төв аймаг, “Хан-Алтай” клубийн тамирчин Эрдэнэбаярын Хүслэн тэргүүн байр эзэлж  Азийн аварга болжээ.

        Тэрбээр Азийн аваргын тэмцээний блиц төрлийн 16 хүртэлх насны охидын ангилалд гуравдугаар байр эзэлж,  хүрэл медаль хүртжээ. Ийнхүү Э. Хүслэн Азийн өсвөр үеийн аваргаас алт, хүрэл медаль хүртээд байна.