Олимпын таэквондогийн насанд хүрэгч, мастер болон пара гэсэн гурван ангиллын Монгол Улсын аварга шалгаруулах тэмцээн эхэллээ. Тэмцээн 2023 оны арванхоёрдугаар сарын 18-19-ний өдрүүдэд Спортын төв ордны А зааланд зохион байгуулагдана. Насанд хүрэгчдийн ангилалд 17-30 насны тамирчид оролцоно. Эрэгтэй 54, 58, 68, -80, +80 кг, эмэгтэй 46, 49, 53, 57, 62, 67, -73, +73 кг-ын жингийн ангиллаар явагдана.

          Харин “Мастер” ангилалд 30-аас дээш насны тамирчид өрсөлдөнө. Эрэгтэйчүүд 58, 68, -80, +80 кг, эмэгтэйчүүд 49, 57, -67, +67 кг-ын жингийн ангиллаар хурд, хүчээ сорино. Пара ангилалд 17-оос дээш насны тамирчид оролцоно. Эрэгтэйчүүд -63, +63 кг, эмэгтэйчүүд -52, +52 кг-ын жинд өрсөлдөх юм.