Энэ  өдөр жүдо бөхийн Үндэсний шигшээ багийн тамирчин, ОУХМ Гэрэлтуяагийн Болор-Очир мэндэлжээ. Тэрбээр олон улсын тавцанд маш эрч, хүчтэй гарч ирсэн манай залуу жүдочдын төлөөлөл мөн. Бага дэлхийн аварга хэмээн нэрлэгддэг Парис-ын “Их дуулга” тэмцээнээс хүрэл медаль хүртэж, 81 кг-ын дэлхийн шилдгүүдийг “айлгаж” явлаа.

        Харин сүүлийн үед тэрбээр жүдо сонирхогчдын хүссэн амжилтад  хүрэх хэмжээнд хүртэл барилдахгүй байгаа. Түүний барилдаан нэг талаас харвал тогтонг байдалтай болчихсон юм шиг санагдана. Харин нэг салхилаад явбал олимп, дэлхийн аваргуудыг ханаруулж чадах авьяас, нөөц боломжтой бөх.

        Г.Болор-Очирын бэлтгэл муу байгаа юу гэвэл үгүй. Харин түүний барилдааныг гадаадын 81 кг-ын жингийн  бөхчүүд дэндүү сайн судалсан байгаад хамаг учир байгаа болов уу. Тэр амжилт гаргана, түүний цаг хугацаа, нэг л өдөр ирнэ. Сахилга бат, хичээл зүтгэл, хөдөлмөрийн үнэ цэн амжилт болон ирэх өдөр ойрхон бий.