Азийн оюутны спортын холбооны Гүйцэтгэх хорооны хурал Хятадын Жинжиань хотноо энэ сарын 22-23-ны өдөр болж  өндөрлөлөө. Шинэ Гүйцэтгэх хороог энэ оны тавдугаар сард АНЭУ-ын Дубай хотноо хуралдсан Ерөнхий ассамблейн 12 дугаар Чуулганаар сонгон баталсан юм. Тус хорооны хоёр дахь хурал нь 2023 онд ийнхүү болж өнгөрлөө.

         Жилдээ хоёр удаа болдог ийнхүү хурлын өмнөх арга хэмжээ нь энэ оны долдугаар сарын 30-31-ний өдрүүдэд Чэндү хотноо болсон дэлхийн универсиадын үеэр болж өнгөрсөн билээ. Энэ удаагийн хурлаар 11 асуудлыг хэлэлцэн, шийдвэр гаргалаа. Ирэх 2024 оны төсөв, спортын тэмцээний төлөвлөгөөг батлав. Зарим Азийн аварга шалгаруулах тэмцээний зохион байгуулах хороо нь мэдээлэл хийлээ.