“Монголын жүдо академи”-ийн суралцагч хүүхдүүдийн эцэг, эхчүүдэд зориулсан жүдо бөхийн нээлттэй бэлтгэл боллоо. Тус бэлтгэл энэ сарын 22-ны ням гарагийн 15:00 цагаас Спортын төв ордны “Б” зааланд явагдсан байна.

        Эцэг, эхчүүдэд туршлагатай, мэргэжлийн багш, дасгалжуулагчид тав тухтай орчинд жүдогийн хичээлийг оржээ. "Аядуу зөөлөн зам" гэсэн утгатай Японы тулааны уламжлалт спорт жүдо бөх нь зөвхөн биеийн хүч, хөгжлөөс гадна оюун санааны хүч, төвлөрөл, төлөвшлийг хүнд суулгаж өгдөг аж. Жүдо бөхөөр хичээллэснээр бусдыг хүндэлх ёс суртахуунтай, эрүүл чийрэг, идэвхтэй, зөв, спортлог амьдралын хэмнэлийг хүн өөртөө хэвшүүлж авдаг байна.