Олон улсын олимпын хорооны 141-р чуулган өнгөрсөн 14-17-ны өдрүүдэд Энэтхэг Улсын Мумбай хотноо зохиогдсон билээ. Чуулганаар "Лос-Анжелес 2028" олимпын наадмын хөтөлбөрт нэмэлтээр флаг-футбол, крикет, лакросс, сквош болон бейсбол, софтбол нийт таван спортын төрлийг албан ёсоор баталлаа.

         Бейсбол, софтболын төрөл нь хамгийн сүүлд "Токио 2020" олимпод багтаж байсан бол сквош болон флаг-футбол анх удаагаа хөтөлбөрт багтав. Харин лакросс Лондон 1908 оны олимпоос 120 жилийн дараа , крикет Парис 1900 оны олимпоос 128 жилийн дараа олимпын талбарт эргэн ирэхээр боллоо.