Дархан хотод бүжгийн спортын "VISION DANCE" клубийн 15 жилийн ойн нэрэмжит тэмцээнд боллоо. Тэмцээн энэ сарын 21-22-ны өдрүүдэд Дархан сумын дэргэдэх шинэ Спорт цогцолборт зохион байгуулагджээ.

     Тэмцээнд 14 аймаг, Улаанбаатар хотын есөн дүүргийн бүжгийн клубуудээс хүрэлцэн ирсэн 5-72 насны 1000 орчим бүжигчин 12 насны ангиллаар 380 багц медалийн өрсөлдөж байна. Тэмцээнийг "Vision dance" клуб, Монголын Бүжгийн спортын нэгдсэн холбоо ерөнхийлөн зохион байгуулж, УИХ-ын гишүүн, Сангийн сайд Болдын Жавхлангийн ажлын албанаас дэмжин ажиллаж байна.

         Нээлтийн арга хэмжээний үеэр "Vision dance" клубийн үүсгэн байгуулагч, захирал Н.Мөнх-Эрдэнэ "Соёлын тэргүүний ажилтан" цол тэмдгээр шагнагдлаа. Мөн тус клубийн бүжигчин Б.Насанбатад спортын мастер цол тэмдгийг нь гардуулан өгсөн байна.