“Ханжоу 2022” Азийн наадмын чөлөөт бөхийн тэмцээн үргэлжилж байна. Эмэгтэйчүүдийн 68 кг-ын жинд “U23” насны дэлхийн аварга шалгаруулах тэмцээний хүрэл, залуучуудын дэлхийн аварга шалгаруулах тэмцээний мөнгө, “Белград-2023” дэлхийн аварга шалгаруулах тэмцээний мөнгөн медальт, ЦЕГ-ын “Хүч” спорт хороо, Үндэсний шигшээ багийн тамирчин, ОУХМ Энхсайханы Дэлгэрмаа  барилдаж байна. Тэрбээр зооны аваргын төлөө Киргизстаны Нурзат Нуртаеватай барилдаж 10:8-ын харьцаатай тун харамсалтай ялагдлаа.

         Манай тамирчин Азийн наадмын хүрэл медалийн төлөө өрсөлдөнө. Манай давхар хамуулж дөрвөн оноо алдаагүй бол бүрэн ялах боломжтой байв. Цагийн төгсгөлд 9:8-ын харьцаатай нэг онооны зөрүүтэй байхад манай бөх дайрсан ч оноо авч чадаагүй. Манай дасгалжуулагч нар заргалдсан ч заргаа авч чадалгүй нэг оноо алдаж 10:8-аар хожигдлоо.