Реппер, найруулагч, продюсер Rokit Bay буюу О.Баярсайханы “Beer Night Studio”-ийн шинэ бүтээл “Carnival Hunt” тоглоом 122 мянган ам.долларын санхүүжилт босгожээ.

                           Тодруулбал, 50 мянган ам.долларын санхүүжилт босгохоор “Kickstarter” платформ дээр кампанит ажлаа эхлүүлж байсан “Carnival Hunt” тоглоом 28 хоногт 1470 хүнээс 122,426 ам.долларын санхүүжилт босгосон байна. Анхны санхүүжилтын зорилгодоо хүрсэн “Beer Night Studio”-ийн шинэ бүтээл ирэх зургадугаар сард зах зээлд нээлтээ хийх төлөвтэй байгаа бөгөөд видео тоглоом сонирхогчдын дунд хэдийнэ өндөр хүлээлт үүсгээд байгаа гэнэ.

Харин “Carnival Hunt” тоглоом нь “Fragile” аймшгийн тоглоомоороо “Steam” платформ дээр багагүй амжилттай байсан “Beer Night Studio”-ийн ээлжит бүтээл бөгөөд Монголын анхны олон тоглогч холбогдон тоглох боломжтой аймшгийн 3D видео тоглоом болох юм байна.