Урин хаврын дулаан өдрүүд үргэлжилж байна. Хорвоо дэлхий өнгө сэлгэж, сайхан бүхэн дэлгэрдэг хаврын улиралд хүмүүсийн хувцаслалт ч нэг тод нь болдог билээ. Загварын  чиг хандлага өдрөөс өдөрт өөрчлөгдөж буй энэ цагт загварлаг, дэгжин хувцаслахаар зорьж буй танд 2024 оны хаврын улирлын тренд загваруудыг танилцуулж байна.

ХАВРЫН ТРЕНД ӨНГӨ: Интоорын улаанаас алтан шаргал

      Цахим сүлжээнд улаан трикогоор голчлон хувцасласан эмэгтэйчүүдийн зураг шуугиан тариал байгаа.  Тус улаан трико зүгээр ч нэг тренд болоогүй бөгөөд энэ хаврын загварын чиг хандлагын гол түлхүүр нь улаан өнгө байгаа аж.

     Энэ хаврын голлох таван өнгө нь  интоорын улаан, шаазан цагаан, цэнхэр, нил ягаан, алтан шаргал, гүн бор байх ажээ.

Эх сурвалж: Vogue

ТРЕНД ГАДУУР ХҮРЭМ: Цув, пиджак, торон хүрэм

    Өвлийн хүрмээс салж илүү нимгэн, загварлаг гадуур хүрэм сонгох энэхүү улиралд жинсэн хүрэм, өнгө, өнгийн цув, пальто тренд хэвээр байх болно.

Торон хүрэм

    Хаврын дулаанхан өдөр урт торон цамц, хүрмийг хувцаслалтдаа тохируулан өмсөөрэй. Энэ төрлийн хүрмийг богино өмд, юбкан дээр илүү тохиромжтой харагдахыг санаарай.

Богино хүрэм

Бүсэлхийгээр татсан богино савхин хүрэм, цув, пальто энэ хаврын тренд байх ажээ.

Tweed

Сонгодог хэв маягийг шингээсэн энэхүү хүрэм таныг илүү цэгцтэй, эрхэмсэг харагдуулах болно.

Эх сурвалж: Instyle

ТРЕНД ХУВЦАС: Богино шорт, Хатгамалтай, нэхмэл цагаан даашинз

2024 оны хавар таны шүүгээнд заавал байх хэрэгтэй загварлаг хувцаснуудыг танилцуулж байна.

Богино шорт

Дулаан өдөр таны загварын сонголтод нэлээд богино шорт байх бололтой.

Хатгамалтай, нэхмэл цагаан даашинз

Дулаахан өдөр цагаан даашинз өмсөх нь хавар ирснийг илтгэх зүйлсийн нэг билээ. Тэгвэл энэ хавар таны хувцасны сонголтод цагаан нэхмэл болон хатгамал даашинз байх нь ээ.

Өндөр суудалтай өмд

Хөлийг илүү урт харагдуулдаг тус загварын өмдийг өнгө өнгийн богино цамц, хүрэмтэй хослуулан өмсөөрэй.

Пиджак

Заримдаа хэт томдсон мэт харагдах загвартай пиджак энэ хаврын голлох трендүүдийн нэг аж.

ТРЕНД ГУТАЛ: Балерина, Слингбэк, Preppy

ТРЕНД ГОЁЛ, ЧИМЭГЛЭЛ: Ноосон цүнх, мөнгөн эдлэл, алчууран зангиа

Таны хувцаслалтыг илүү тод, дэгжин харагдуулах зүйлс бол гоёл чимэглэл билээ.

Ноосон болон улаан цүнх

Зөөлөн, хөвсгөр матеариалтай цүнх таныг эгдүүтэй харагдуулах бол арьсан улаан цүнх таныг илүү эрхэмсэг харагдуулах болно.

Мөнгөн эдлэл

Хувцастайгаа тохируулан зүүсэн мөнгөн ээмэг, зүүлт, бөгж, бугуйвч бүгд энэ хаврын тренд байх болно. Тэр дундаа том хэмжээтэй ээмэг таныг илүү загварлаг харагдуулна.

Алчууран зангиа

Төрөл бүрийн өнгө, загвартай алчуурыг зангиа болгож зүүх нь энэ хаврын тренд ажээ.

Г.МАРАЛ