Хэрэв нийгэм чамайг “муу хүн” болгохоор хүлээлт тавьбал чи өөрийн сайн талыг хадгалж үлдэх үү? Эсвэл тэр дүрийг хүлээн авч, хүчирхэг дүр төрхийг бүтээх үү? "Cruella" бол зөвхөн муу талын дүрийг магтан дуулсан кино биш. Харин ч эсрэгээрээ, энэ бол хувь хүн хэн болох, хэрхэн өөрийгөө хүлээн зөвшөөрөх тухай сэтгэл хөдөлгөм, загварын уран сайхны ертөнцөд дүрслэгдсэн шинэ төрлийн өөрчлөлтийн түүх юм. 

        Эстелла бол авьяаслаг, дэггүй, дүрэм зөрчдөг охин. Эстеллагийн ээж Кэтрин охиныхоо тэрслүү зан чанараас болж түүнийг сургуулиас нь гаргаж, Лондон руу нүүхээр төлөвлөжээ замдаа охиныхоо хамт нэгэн үдэшлэгт очих үед гурван далматин нохой ээж рүү нь дайрч, нас барахад Эстелла өөрийгөө буруутган, зугтдаг. Ийнхүү тэр Лондонд орон гэргүй болж, Жаспер, Хорас гэдэг хоёр хүүтэй танилцан, хамтдаа хулгай хийж амьдарна. 

         Гол дүрийн Эстелла өөрийн дотоод зөрчил, уй гашуу, уур хилэнг загвар урлаг болон эрх чөлөөний илэрхийлэл болгон хувиргаж, “Cruella” нэрээр дахин төрдөг. Энэхүү бүтээлд хүчирхэг эмэгтэй дүрийг, гоёл чимэглэл, хөгжмөөр баялаг, ёс зүйн болон сэтгэл зүйн олон давхар санааг агуулж чаджээ. 

Бидний дотор орших хар бараан талыг дарж устгах хэрэгтэй гэж үү? Эсвэл ойлгож, тэнцвэртэйгээр амьдрах уу?