Хөвсгөр хөөрхөн пандаг бидэнд өөрөөр харуулдаг Кунфу панда киноны дөрөвдүгээр анги энэ сард дэлхий дахинаа нээлтээ хийсэн билээ. Гуравдугаар сарын 20-ны өдрийн байдлаар АНУ, Канадад 114.7 сая ам.доллар, бусад нутаг дэвсгэрт 87.6 сая ам.долларын ашиг олсон бөгөөд нээлтээ хийснээсээ хойш нийт 202.4 сая ам.долларын орлого олсон байна.

           “DreamWorks Animation” продакшн 2008 онд По хэмээх луугийн дайчин болж сонгогдсон пандагийн адал явдлын талаар өгүүлэх Кунфу Панда хүүхэлдэйн киногоо нээж байсан билээ. Тус киноны хоёрдугаар анги 2011 онд, гуравдугаар анги нь 2016 онд нээлтээ хийж байсан юм.

Ингээд Кунфу панда киноны талаарх сонирхолтой зарим сонирхолтой баримтыг танилцуулж байна.

• 2008 онд үзэгчдийн хүртээл болсон анхны анги нь сэтгэл татам үйл явдлаар үзэгчдийг байлдан дагуулж  дэлхий даяар 600 гаруй сая ам.долларын ашиг олж байсан.
• Кунфу панда киноны дүрүүдэд Жэк Блэк, Анжелина Жоли, Дастин Хоффман, Жеки Чан зэрэг жүжигчид дуу оруулсан.
• Бүрэн хэмжээний киноноос гадна “Kung Fu Panda: Legends of Awesomeness” and “Kung Fu Panda: The Paws of Destiny”  зэрэг телевизийн цуврал хийгдэж байсан.
• Кунфу пандагийн хөгжмийг Ханс Зиммер зохиосон.
• Кунг-фу панда нь тэсвэр тэвчээр, өөртөө итгэх итгэлийн эерэг мессежийг дагуулдаг.
• Тус уран бүтээл "Гайхалтай байдалд ямар ч төлбөр байхгүй", "Өчигдөр бол түүх, маргааш бол нууц, харин өнөөдөр бол бэлэг" гэх мэт мартагдашгүй эшлэлүүдээрээ алдартай.
• Кунфу панда киног АНУ, Хятад, Канад, Франц, Итали, Испани, Ирланд зэрэг улсаас ирсэн аниматорууд бүтээсэн.