“Фантастик” продакшн гурав хоногийн дараа Zura III “Цэвэрлэгээ” уран сайхны киногоо нээх гэж байна. Энэхүү кино нь "Фантастик" продакшны 17 дахь уран бүтээл юм. “Zura” уран сайхны кино 2020 онд үзэгчдэд хүрсэн бол Zura II “Цурам ажиллагаа” кино 2022 онд нээлтээ хийж байжээ. Ингээд энэ оны гуравдугаар сарын 7-нд нээлтээ хийх Zura III “Цэвэрлэгээ” уран сайхны кинотой холбоотой сонирхолтой гурван баримтыг хүргэж байна.

Zura буюу дайчин

       Зура нь дайчин гэх утгатай үг билээ. “Zura” уран сайхны киноны нэрийг анх “Тоглогч” хэмээн өгөхөөр яригдаж байжээ. “Фантастик” продакшн кинотой холбоотойгоор гурван улирал, нийт 11  анги бүхий “Зура” шоуг хийж байсан юм. Монгол Улсад гуравдугаар сарын 4-ны өдрийн байдлаар Зура нэртэй 23 хүн, Дайчин нэртэй 12 хүн байдаг аж. 

"РОДИУМ" металл гэж юу вэ?

         Zura III “Цэвэрлэгээ” уран сайхны кино дээр дурдагдаж буй Родиум нь дэлхийн хамгийн үнэтэй металл ажээ. Алтнаас хэд дахин үнэтэй энэ металл нь зэсвэг үйлдвэрлэлийн гол түүхий эд болдог аж. Тус тун ховор байгалийн элементийн граммынх нь үнэ өнөөдрийн байдлаар 149.5 ам.доллар юм. Зэвсгийн салбараас гадна гоёл чимэглэл, автомашины эд ангид ашигладаг.

Фен буюу Kam Kia Kee

                Энэ удаагийн Zura III “Цэвэрлэгээ” уран сайхны кинонд Малайз Улсын жүжигчин Kam Kia Kee ажилласан билээ. Тэрбээр 2008 онд жүжигчнийхээ гарааг эхэлжээ. Kam Kia Kee нь 2008 онд анх “Legacy of Time” кинонд ажиллаж байжээ. Үүнээс хойш Малайзын “KL Gangster 2”, “Kepong Gangster 2”, “Desolasi”, “Rise of the Legend” зэрэг кинонд тогложээ.

Түүний инстаграм хаяг jkamkk