“Covid-19” цар тахлын улмаас кино театр, үзвэр үйлчилгээ удаан хугацаанд хаагдаж, хүсэн хүлээж байсан кинонуудын нээлтийг хойшлуулаад байсан билээ. Хөл хорио аажмаар тавигдаж, кино театр, үзвэр үйлчилгээ хэвийн болохтой зэрэгцэн хүлээлт үүсгээд байсан кинонууд эхнээсээ нээлтээ хийсээр байна. Энэ он дуусахаас өмнө нээлтээ хийх таван киног танилцуулж байна.

1.“Аватар 2”

Коронавирусийн улмаас кино нээлтээ дөрвөн сар хойшлуулаад байсан “Аватар-2” кино ирэх арванхоёрдугаар сард нээлтээ хийнэ. Найруулагч Жэймс Камерон “Аватар 2 кино зураг авалт бүрэн дууссан гэж зарласан ба Аватар 3 киноны зураг авалт 95 хувьтай явж байна” хэмээн зарлажээ.

2.“Soul”

Пиксар анимешн студийн шинэ бүтээл “Сүнс” хүүхэлдэйн кино ирэх арваннэгдүгээр сарын 20-нд нээлтээ хийхээр товлоод байна. Пиксар компанийн “Бодлын ертөнц” хүүхэлдэйн кино нь хүний оюун бодол, тархиар аялдаг бол уг хүүхэлдэй нь сүнсний ертөнцөөр аялах нь.

3. “Wonder Woman-2”

DC-гийн цуврал “Wonder Woman-2” киног энэ сард нээхээр товлож байсан ч коронавирусийн улмаас арванхоёрдугаар сарын 25 буюу зул сарын өдөр болгон хойшлуулсан. Эхний ангийн үйл явдлаас 70 жилийн дараа буюу 1984 оны үйл явдлыг харуулах аж.

4. “No Time to die 007”

Жэймс Бондын “Үхэх цаг болоогүй”  шинэ цуврал арваннэгдүгээр сарын 20-ны өдөр нээлтээ хийхээр зэхээд байна. Энэ жилийн дөрөвдүгээр сард нээлтээ хийхээр товлоод байсан ч коронавирусийн улмаас хойшлоод байсан билээ.

5. “Free Guy”

Бурангуй нийгэмд амьдарч, түүндээ эгэл дасал болсон банкны теллер залуу амьдарч буй ертөнц нь видео тоглоом гэдгийг олж мэднэ. Харин тэр ертөнцөд баатар хэрэгтэй болно. XX зуун фокс кино компанийн бүтээл “Free Guy” кино арванхоёрдугаар сарын 11-нд нээлтээ хийнэ.