Нийслэлийн давж заалдах шатны шүүхээс сэтгүүлч Н.Өнөрцэцэгт холбогдох хэргийг шүүж дууслаа. Шүүхээс Н.Өнөрцэцэгт холбогдох хэргийн анхан шатны шийдвэрийг хэвээр үлдээж, 4.9 жилийн ял оноосон юм.

Шүүхийн шийдвэртэй холбоотой Н.Өнөрцэцэгийн өмгөөлөгч нар мэдээлэл хийлээ. Өмгөөлөгч "Бид шүүхийн шийдвэртэй санал нийлэхгүй байна. Хүний эрхийн ноцтой зөрчлүүд явлаа. Найман өмгөөлөгч шүүх хуралд оролцсон. Сэтгүүлч Н.Өнөрцэцэгийн сэтгэл санаа тайван байсан. Өмгөөлөгч нартаа баярласнаа илэрхийлсэн" гэсэн юм.

Өмгөөлөгч Р.Булгамаа "Н.Өнөрцэцэгийн шүүх хурлыг өнөөдөр монголын ард түмэн чих тавин харлаа. Гэхдээ хүний эрхийн маш ноцтой зөрчил гарч байгааг би нүдээр үзлээ. Хэрэв би энэ талаар яривал өөрөө 461 дүгээр хорих анги руу ачигдах дээрээ тулах гээд байна" гэлээ.