УИХ-ын чуулган хуралдаж байна. Хуралдаанаар Уул, уурхайн бүтээгдэхүүний биржийн  тухай хуулийн төсөл болон хамт өргөн мэдүүлсэн хуулиудын анхны хэлэлцүүлгийг хийж байна. Энэ үеэр УИХ-ын гишүүн Н.Учрал асуулт асууж, саналаа илэрхийллээ.

      Тэрбээр “УУХҮ-ийн яамны сайд Ж.Ганбаатар олон жил яригдсан хуулийг зориг гаргаад, оруулж ирсэнд талархаж байна. Энэ хууль өнөөдрийн үүсээд нөхцөл байдлыг арилгахад том хувь нэмэр оруулна гэж үзсэн. Тийм ч учраас Засгийн газар хөрөнгийн бирж дээр нүүрсийг арилжаалах түр журмаа гаргасан. Ирэх оны нэгдүгээр сарын 1-ний  өдрөөс хөрөнгийн бирж дээр нээлттэй арилжаа явуулах нөхцөл байдал бүрдсэн. Хулгай хийх боломж хулгайчийг төрүүлдэг. Тиймээс уг үндсээр нь устгахын тулд хүнээс хамааралтай бус технологи суурьтай ийм биржүүдийг байгуулах хэрэгтэй. Цаашдаа боомтын үйл ажиллагаа, худалдан авалтаас, хэрэглэгчид хүрэх нийт үйл явцыг авмотжуулах ёстой” гэлээ.