УИХ-ын чуулган хуралдаж байна. Хуралдаанаар Эрүүгийн хуульд нэмэлт өөрчлөлт оруулах тухай хуулийн төсөл болон хамт өргөн мэдүүлсэн хуулиудыг хэлэлцэх эсэх, асуудлыг хэлэлцэж байна. Энэ үеэр УИХ-ын гишүүн Л.Мөнхбаатар асуулт асууж, саналаа илэрхийллээ.

       Тэрбээр “Авлигатай тэмцэх бол амаргүй ажил. Үүнтэй тэмцэхэд хамгийн чухал хүчин зүйл бол улс төрийн хүсэл зориг байдаг гэж үздэг. Энэ ч утгаараа Монгол Улсын Засгийн газар, авлигад холбогдсон хүмүүсийн ял шийтгэлийг чангатгах хуулийн төслийг оруулж ирсэн байна. Ерөнхий сайд энэ хуулийн төслийг танилцуулж, ихээхэн ач холбогдол өглөө. Авлигатай тэмцэх асуудал олон хүчин зүйлээс хамаарна. Тэдгээрээс ялын бодлогоос ихээхэн хамаардаг. Ер нь аливаа төрлийн гэмт хэрэг ихсээд ирэхэд гэмт хэргийн шалтгаан нөхцөлийг судалж үзэх хэрэгтэй. Тэгээд тухайн хэрэгт ял шийтгэл нь тохирч байна гэдгийг гаргаж ирэх ёстой. Улс төрийн нөлөө бүхий хүн авлигын хэрэгт холбогдсон тохиолдолд 12-20 жил хоригдоно.