УИХ-ын чуулганы ээлжит хуралдаан үргэлжилж байна. Энэ үеэр УИХ-ын гишүүн Ш.Раднаасэд “Зүгээр сууж байгаад нүүрсний хулгайч болчихлоо. Түр хороо нухацтай ажиллаамаар байна. Сүүлийн жилүүдэд 12.8 их наяд төгрөгийн нүүрс зарсан байна. Түүний 7.5 хувийг “Эрдэнэс Тавантолгой” идсэн байсан. Ердөө 577 гэрээгээр нүүрсний хулгайн асуудлыг шийдчихсэн юм билээ. Тухайлбал, 30 сая төгрөгөөр богино ханцуйтай цамц, 40 сая төгрөгөөр  бээлий,  1.3 тэрбум төгрөгөөр эрүүл мэндийн үзлэг хийсэн байна. Тиймээс Боомтын хяналтын хороог хоёр хуваах хэрэгтэй. Ихэнх нь улстөрчдийн болон хамаарал бүхий хүмүүсийнх компани байгаа. Голомтын Баясгалан, Х.Баттулга нарыг барьж, хорих хэрэгтэй. “Тавантолгойн” асуудлыг цэгцлэхгүй бол болохгүй. Энэ зөвхөн нүүрсний хэрэг биш. Үүний  ард түмэн нүүрсний утаа идэж, хулгайчид нь мөнгийг нь идэж байна.  МАН-ын Бүлгийн дарга Д.Тогтохсүрэн “Манай намд нүүрсний хэрэгт холбогдсон гишүүн байхгүй” гэдгийг батлахын тулд бид тавыг зарласан уу.  Шаардлагатай гэвэл, би хулгайчдыг зарлаж чадна шүү” гэв.