УИХ-ын чуулган хуралдаж байна. Хуралдаанаар Эрүүгийн хуульд нэмэлт өөрчлөлт оруулах тухай хуулийн төсөл болон хамт өргөн мэдүүлсэн хуулиудыг хэлэлцэх эсэх, асуудлыг хэлэлцэж байна. Энэ үеэр Ерөнхий сайд Л.Оюун-Эрдэнэ уг хуулийн төслийг танилцуулж, саналаа илэрхийллээ.

 Тэрбээр  “Миний бие жанжин Сүхбаатарын талбайд иргэдтэйгээ хамт жагслаа. Улс төр, уул уурхай, шүүх, хууль хяналтын байгууллагыг бүхэлд нь барьцаалсан МАНАН бүлэглэлд үгүй гэж хэлж. Авлигад барьцаалагдсан 30 жилийг цэгцэлж, шударга ёс тогтсон шинэ 30 жилийг эхлүүлэхийн төлөө ордон дотор хүч мөхсөдвөл, олон нийтийн дэмжлэгийг авч, тууштай тэмцэхээ илэрхийлсэн. Ард түмэнтэйгээ хамт төрийн мөнгөөр Эрдэнэт үйлдвэрийн 49 хувийг УИХ-ын эрх мэдлийг алгасан, завшсан хулгайг таслан зогсоож, Дархан төмөрлөг, Хөтлийн цементийн үйлдвэрийг олон нийтийн мэдэлд эргүүлэн авч уг хэрэг шүүхэд шилжиж чадлаа. Баялагаа ашиглуулсны эцэст 22 тэрбум төгрөгийн өрөнд оруулсан, Дубайн хулгайг таслан зогсоож, Монгол Улсын талд ноогдох 2.3 тэрбум ам долларын өрийг тэглэж, гацсан байсан гүний уурхайн бүтээн байгуулалтын ажлыг эхлүүлж чадлаа “ гэлээ.