Нүүрсний  хулгайн асуудалд нэр холбогдоод буй МАН-ын таван гишүүн мэдээлэл хийлээ.

     Энэ үеэр УИХ-ын гишүүн Ш.Раднаасэд “Ард түмнээс олон мэдээлэл ирж байна. "Тавантолгой" ХК-ныг тойрсон хоёр төрлийн том хулгай байна. Нэгдүгээрт, 11 гэрээг тойрсон хэдэн арван тэрбум долларын гэрээ явж байна. Энэ гэрээний асуудлыг бид шалгах ёстой. Хоёрдугаарт, “Тавантолгой” хувьцаат ХК-нтай холбоотой хулгай байна. Өнгөрсөн 22 жилийн хугацаанд энэ компани байгуулагдснаас хойш 12.5 их наяд төгрөгийн нүүрс борлуулсан байна. Гэтэл сүүлийн зургаан жил үүний 7.5 их наяд төгрөгөөр нь бараа бүтээгдэхүүн худалдаж авсан байна. Энэ хулгайтай асуудлыг давхар шалгамаар байна. Жинхэнэ хулгайчдыг зарлахгүй бол энэ асуудал цэгцрэхээ байлаа. Тиймээс бид Боомтын нүүрстэй холбоотой Түр хорооны хэлэлцүүлгийг хоёр удаа хиймээр байгаа юм. Энэ асуудлыг олон нийтэд ил болгож зарлахгүй бол болохгүй юм байна. Үүний цаана олон улстөрчид байгаа. 536 компани байна. Энэ компаниудыг шалгахад хулгайчид гарч ирнэ. Үүнтэй холбоотойгоор асуулга тавьж байна.  Нэгдүгээрт, ямар таамгаар биднийг гүтгэж байгаа юм бэ. Ямар таамаг гэдгийг нь мэдмээр байгаа юм. Хоёрдугаарт энэ яриад байгаа гэрээгээ ил болго. Гуравдугаарт “Тавантолгой” ХК-тай холбоотой  бүх үйл ажиллагааны талаар нэгдсэн дүгнэлт хийж УИХ-д танилцуул. Жагсагчид өнөөдөр тарж болохгүй. Энэ асуудалд тууштай тэмцэх ёстой гэж хэлмээр байна” гэв.