УИХ-ын чуулган хуралдаж байна. Хуралдааны үеэр УИХ-ын гишүүн Н.Анандбазар асуудал нэмэх, горимын саналаа илэрхийллээ.

    Тэрбээр “Бид тавын нэр дурдагдсан нь бараг сайн хэрэг гэж би бодож байгаа. Яагаад гэвэл энэ хэрүүл их удаан үргэлжилнэ. Харсан хүн нь хулгайлдаг гэх капиталын сонгодог онол байдаг. Цаашид яах вэ гэдэгт хамгийн гол асуудал байна. Бид хулгай хийгээгүй, нэр цэвэрлэгдээд гарна. Айх юм алга, жинхэнэ хулгайч нарын нэрийг ард түмэн мэдэж байгаа. Ер нь хүн болгон мэдэж байгаа. “Тавантолгой” ХК цаашид яах, ард түмний өмч болгож чадах юм уу, гэдэг асуудал онцгой чухал. Үе үеийн Засгийн газар дээр хэрүүл хийгээд л үлдсэн. Тавантолгой бол гайхамшигтай орд шүү дээ. 30 долларын өртгөөр нүүрс үйлдвэрлээд, 100 доллароор зарагддаг. Ийм мөнгө хэвлэдэг машин юм. Үүнийг харж буй албан тушаалтнууд бэлэн сул мөнгө учир үеийн үед идэж ирсэн. Би одоо УИХ-ын гишүүн болсон учраа ойлгож байна” гэлээ.