УИХ-ын чуулган хуралдаж байна. Хуралдааны үеэр УИХ-ын гишүүн Н.Алтанхуяг асуудал нэмэх, горимын саналаа илэрхийллээ.

            Тэрбээр ”Гадаа -30 хэм, танхимийн хулгайч нарт -40 хэм муухай цэвдэг байна.  Гэхдээ би МАН-ын бүх гишүүдийг тэгж боддоггүй. Би олон жил нэг тогоонд явж байна. МАН, АН хоёрт өмнө МАНАН гэж хулгайч нар байсан.  Одоо энэ хулгайч нарын олонх нь МАН-д үлдчихсэн. Ард түмэн итгэл алдарчихсан, олон хоног жагсаад, жинхэнэ хулгайчаа зарлах байх. Ордоор нь гадаадад зарчихсан олуулаа очоод бүлэглээд идчихсэн  хулгайч нараа зарлах байх гэсэн. Энэ тавыг мэдэхгүй байна. Би өөрөө өмнө зарлуулагдсан хүн.  Та нар ингэж болохгүй, шударга бай. Өнөөдөр энэ хэдэн хүнээр туг тахиад, ахиад  жинхэнэ хулгайчдаа хамгаалаад явж болохгүй шүү. Бид мэдээлэлгүй гэж их ярьж байна.  Оффтек гэрээгээ ил болгооч. Яагаад ААН хооронд байгуулдаг гэрээг нууц болгодог юм.  Ард түмнээр таавар таалгаад, үнэндээ УИХ-ын гишүүд ч таавар тааж байна. Би мэдээлэл байхгүй болохоор нүүрсний тухай ярьж чадахгүй байгаа. Гэрээгээ ил гаргахгүй байхад бид яаж дүгнэлт хийх юм. Хөгжлийн банк , нүүрсний хулгайтай тэмцэнэ гээд ажлын байгуулсан ч ажиллахгүй байна. Оролцсон гэж байгаа бүх хүнээ дуудаач.  Миний харснаар эдний хүч хүрэхгүй, учрыг нь олохгүй байна. АН руу битгий бүх буруугаа чих л дээ. Манай хэдэн эмэгтэйчүүдийг олны өмнө “дүүжлээд” л байх юм. Гэтэл цаана нь хулгайч нар баяжаад байна” гэв.