УИХ-ын чуулган хуралдаж байна. Хуралдааны үеэр УИХ-ын гишүүн Б.Пүрэвдорж санал бодлоо илэрхийллээ.

    Тэрбээр “Өнөөдрийн МАН долоон жилийн турш үнэмлэхүй олонх гишүүнтэйгээр эрх барьсан. Мөн бүх шатны төрийн эрх мэдлийг барьж, хууль хяналтын байгууллагыг атгаж байгаа. Гэтэл өнөөдөр ЖДҮ, концесс, Хөгжлийн банк, нүүрсний асуудал гээд бүх юм дээр бид ариухан сөрөг хүчин л муухай гэж ярьдаг аа хэзээ болих юм бэ. Энэ хугацаанд АН-ынхан бүгдээрээ л гудамжинд байсан. Тэр хүмүүсийг  зөндөө шалгасан, юу ч гараагүй. Би хоёр жилийн турш Гашуунсухайтын хулгай, луйврыг ярьсан. Гэмт хэргийн шинжтэй бүх зүйлийг ярьж байхад АТГ яагаад өнөөдрийг хүртэл хяналт тавиагүй юм. Нүүрс бүртгэлгүй гардаг юм бол тэнд хяналт тавиагүй Хилийн цэргийн дарга, Гаалийн дарга нарт хариуцлага тооц. Намайг  Б.Ганхуяг хоёр удаа цагдаад өгсөн. Би цагдаад энэ гэмт хэргийн талаар бүх мэдээллийг өгсөн “ гэлээ.