Засгийн газрын Хэрэг эрхлэх газрын дарга Д.Амарбаясгалан  цаг үеийн асуудлаар мэдээлэл өглөө. Тэрбээр “Хөгжлийн банктай холбогдсон гишүүдэд ч бид хэлж байсан. Нам дээр улстөрийн хариуцлага хүлээлгэх дүрмийн заалт нь бий. Гагцхүү шүүхээр гэм буруутай нь тогтоогдох ёстой. Харин Хөгжлийн банк тойрсон 82 холбогдогчтой асуудал ирэх долоо хоногт шүүх рүү шилжинэ гэж дуулсан. Үүнтэй холбоотойгоор шүүхээр үнэн нь тогтоогдоно. МАН-ын Хяналтын ерөнхий хороо гурван удаа хуралдаад холбогдох этгээдүүдээс тайлбар авсан байгаа. Шүүх яаж  шийдэхээс хамаарч улстөрийн хариуцлагын асуудал яригдана. Нэр зарлах асуудалд нам байтугай УИХ, Засгийн газар, Ерөнхийлөгч ч оролцох боломжгүй байдаг. Хуулийн байгууллага бие дааж ажиллах ёстой” гэв.