Зам, тээврийн хөгжлийн сайд С.Бямбацогтоос сэтгүүлчид цаг үеийн асуудлаар мэдээлэл авлаа.

  Тэрбээр "Нүүрсний хулгай яригдаж эхэлсэн цагаас янз бүрийн л үйл явдал болж байна. Өнгөрсөн хавар зургадугаар сард хоёр сая тонн нүүрсний асуудал яригдаж байгаа тухай ярьж байсан. Дараа нь Зам, тээврийн хөгжлийн сайдаар очоод тодорхой асуудлуудтай танилцаад мөн энэ асуудлыг ил болгох тухай ярьж байсан. Нүүрсний хулгайн хэрэгт холбоотой нөхдүүд нь Засгийн газар болон УИХ-ын гишүүдийн хооронд яс хаях, үл ойлголцол үүсгэх асуудал байна. Нэг хэсэг намайг нүүрсний хулгайч болголоо. Одоо тэгээд бүр болохгүй болохоор нь "Нүүрсний хулгайч нартай нийлээд Ерөнхий сайд болох гээд явж байгаа юм байна" гэсэн яриа гарсан байна. Надад үнэхээр Ерөнхий сайдын суудалд санаархсан зүйл байхгүй" гэв.