Нүүрсний хулгайн хэрэгт холбогдсон МАН-ын таван гишүүн АТГ-ын гадна мэдээлэл хийж байна.

УИХ-ын гишүүн Ш.Раднаасэд "АТГ-аас нүүрсний хулгайн хэрэгт нэр зарласантай холбоотой мэдээлэл авахаар ирээд байна. Яг үнэндээ нууж, хааж үлдэж байна. Номхон тэмээ ноолоход амархан гэж дуугай байсных нь төлөө, даргад долигонож, гүйгээгүй хүмүүсийн нэрийг зарлалаа. Оффтейк гэрээ шалгах хэрэгтэй. Монголоос алдагдсан нүүрсийг Хятадаас зөвшөөрөл авна гэж юу байх вэ. Биднийг эхний ээлжид асууж, шалгах ёстой биз дээ. Тэгэхгүйгээр шууд зарлана гэдэг нь жагсагчдыг тайвшруулж, тараах гэж байгаа оролдлого. Бүрэн эрхээсээ татгалзаж, шалгуулах боломжтой. Татгалзах зүйлгүй. Төрийн ордноос хулгайг хайх хэрэгтэй. 2024 оны сонгууль эхэлж байгаа юм байлгүй дээ" гэв