Засгийн газрын ээлжит бус хуралдаанаас гаргасан шийдвэрийг танилцуулах үеэр АТГ-ын дэд дарга Г.Азжаргал  мэдээлэл өглөө.

            Тэрбээр “АТГ-аас “Эрдэнэс Тавантолгой” ХК, “Тавантолгой төмөр зам “ ХХК гэх компиануудын эрх бүхий алба хаагчдыг шалгаж байна. Үүнд тендер сонгон шалгаруулах, нүүрс худалдах, худалдан  авах гэрээ байгуулах, тээвэрлэх, улсын хилээр хууль бусаар нэвтрүүлэх, олон улсын ачаа тээврийн зөвшөөрөл олгох, нүүрс тээврийн төмөр замын  барилгын ажил гүйцэтгэхдээ бусдад давуу байдал бий болгосон. Мөн авлига авсан, үндэслэлгүйгээр үнэ хөөрөгдүүлсэн зэрэг хэрэг бүртгэлийн 11 хэрэг, долоон хэрэгт холбогдуулан шалгаж байна.

   Мөрдөн байцаалтын долоон хэрэг 47 объектод хяналт шалгалтын ажлыг зохион байгуулсан. Үүний үр дүнд 15 хүний хойшлуулахгүйгээр баривчилж, 10 хүнд цагдан хорих, таслан сэргийлэх арга хэмжээ авсан. Тэдгээрээс өнөөдрийн байдлаар зургаан хүнийг цагдан хорьсон хэвээр байна. Нийт 30 хүнийг яллагдагчаар татсан. Үүнээс долоон алба хаагчийг авлига авах гэмт хэрэгт, 16 алба хаагчийг авлига өгөх гэм хэрэгт, таван алба хаагчийг албан тушаалаа урвуулан ашиглан бусдад их хэмжээний хохирол учруулсан гэмт хэрэгт эрүүгийн хэрэг үүсгэж, яллагдагчаар татаж, шалгаж байна. Одоогоор эдгээр алба хаагчид нийтдээ 5.4 тэрбум төгрөгийн авлига авсан болох нь  тогтоогдсон" гэлээ.