ХОМ: Б.АСРАЛТЫН ХӨРӨНГӨ ГААЛИЙН ЕРӨНХИЙ ГАЗРЫН ДАРГА БОЛООД БУУРЧЭЭ

2022-12-09, 2390

Засгийн газрын ээлжит бус хуралдаан боллоо. Хуралдааны үеэр Гаалийн ерөнхий газрын дарга Б.Асралт албан тушаалаасаа чөлөөлөгдөх хүсэлтээ өгч, түүний оронд Нийслэлийн цагдаагийн газрын дарга Р.Отгонжаргалыг үүрэг гүйцэтгэгчээр томилохоор болжээ.

Тэгвэл телевизийн захирлын суудлаас Монголын Гаалийн дарга болтлоо томорч, зургаан жил уг салбарыг удирдсан УИХ-ын гишүүн Сү.Батболдын эхнэрийн дүү Б.Асралтын хөрөнгийг танилцуулж байна.

Тэр 2016 онд буюу Гаалийн ерөнхий газрын даргаар томилогдохдоо жилийн нийт орлого нь 89 сая төгрөг байжээ. Харин гэр бүлийн орлого нь 480 мянган төгрөг гэж мэдүүлсэн байна. Б.Асралт нь 2016 онд нийтийн хоёр орон сууц, нэг өвөлжөөтэй гэж мэдүүлж байжээ. Тэрбээр өөрийн эзэмшлийн орон сууцаа нэг тэрбум төгрөгөөр үнэлж байсан байна. Мөн тэрбээр 150 сая төгрөгөөр үнэлэгдэх Lexus,570 маркийн автомашинтай. Түүнчлэн 188 сая төгрөгөөр үнэлэгдэх мал, аж ахуйтай хэмээн мэдүүлжээ. Тодруулбал, 40 адуу, хурдан удмын 15 адуутай гэнэ. Үнэт эдлэл нь 150 сая төгрөг бол 67 сая төгрөгийн дотоодын хадгаламжтай гэж мэдүүлсэн аж. Тэрбээр “Төгсмонгол Трейд” ХХК-ийн 1000 ширхэг хувьцаатай хэмээн мэдүүлж, Гаалийн ерөнхий газрын даргын суудалд суужээ.

Тэгвэл тэр уг суудлаас буухдаа буюу 2021 онд хөрөнгө орлогын мэдүүлгээ хэрхэн мэдүүлснийг хүргэе.

Б.Асралт нь 2021 онд нийт орлого нь 30 сая төгрөг болж буурсан гэж мэдүүлжээ. Харин гэр бүлийн орлого нь долоон сая болж нэмэгдсэн байна. Мөн хоёр орон сууцан дээрээ нэг авто зогсоол худалдаж авчээ. Харин зогсоол, орон сууцны үнэ нь нэг тэрбум төгрөг хэвээр байна. Мөн автомашинаа нэмж, Land Rover, Range Rover нэг, Lexus,570 машинтай болжээ. Хамгийн сонирхолтой нь, тэр 2016 онд 570 машиныхаа үнийг 150 сая төгрөгөөр мэдүүлж байсан бол 2021 онд хоёр машиныхаа үнийг 135 сая төгрөг хэмээн мэдүүлсэн байна. Өөрөөр хэлбэл, хоёр машинтай болсон ч үнэ нь буурсан гэсэн үг. Мөн тэрбээр нэмж адуу худалдаж аваагүй бөгөөд 40 адуу, 15 хурдан удмын адуутай хэвээр байна. Үнэт эдлэл нь 150 сая төгрөг хэвээр бөгөөд хадгаламжаасаа гурван сая төгрөг авчээ. Өөрөөр хэлбэл, 2016 онд 67 сая төгрөгтэй байсан түүний хадгаламж 2021 онд 64 сая төгрөг болсон байна. Харин “Төгсмонгол Трейд” ХХК-ийн 1000 ширхэг хувьцааг эзэмшсэн хэвээр байгаа аж.

ХОМ: Б.АСРАЛТЫН ХӨРӨНГӨ ГААЛИЙН ЕРӨНХИЙ ГАЗРЫН ДАРГА БОЛООД БУУРЧЭЭ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 5

Сэтгэгдэл үлдээсэн: 2022-12-10 12:10:02

Зочин: Таван толгойн 49 хувийг төр буцаан авах хэрэгтэй. Эсвэл Батболдын бүлэг ард түмэнд жилийн ашгийнхаа 50 хувийг тарааж бай.
Сэтгэгдэл үлдээсэн: 2022-12-09 13:16:05

Badmaa: Sijgiin buzar humuus karmagaa hurtene de, ta naraas bolj mongoliin heden myangan zaluuchuud bolon joohon huuhduud ireeduigee deeremduulj zovj amidrch bga bileede
Сэтгэгдэл үлдээсэн: 2022-12-09 13:14:11

Shudraga yos: Shudraga l um bol su batboldiihnii buh nugeltei mungu iig n huraaj avah heregtei maldive d hurtel ul hudluhtei aimr humuus shde nuugaad bdg bolhoos bish !!!! Nugel nugel ich ich, uursdoosoo ich odoo hamag buzar bulaig chn zuvhun mingol bish delhii niiteree medej niigmiin dooh tohuu bolj shorond hatana daaaaa
Сэтгэгдэл үлдээсэн: 2022-12-09 13:11:59

Buzar su batbold: Su batbold iigan yamar sijgiin ichdegui uvaigui deerlhuu umbee? Ohin n hulgain mungooroo emart a bosgchod, nugeltei mungooroo yaaj gadaad d taiwan zugaaltsan bituu brand umsuud zurgaa avaad erguuteed yavaad bj chaddg bnaaa. Tgsne bas minii aaw buruugui gevhije buzar buzar
Сэтгэгдэл үлдээсэн: 2022-12-09 12:15:44

Басралт: Хулгайчийн хөрөнгө нэмэгдсэн үү гэхээс буураагүй.

Шинэ мэдээ

Нийтлэлчид