• Өнөөдөр 2023-02-01

Х.НЯМБААТАР: Нүүрсний хулгайг шалгах Ажлын хэсгийн холбогдох байгууллагууд Цогтцэций суманд түр хугацаанд байрлаж, мөрдөн шалгах ажиллагаа явуулахаар болсон

2022-12-08,   148

           Нүүрсний хулгайн хэргийг шалгаж буй Ажлын хэсгээс мэдээлэл хийлээ.

    Энэ үеэр тус Ажлын хэсгийн ахлагчХууль зүй, дотоод хэргийн сайд Х.Нямбаатар “ Нүүрсний хулгайн хэргийг шалгаж буй Ажлын хэсэг мөрдөн шалгах ажиллагаанд Засгийн газрын харьяа агентлагуудыг мэдээ, мэдээллээр түргэн шуурхай хангах, нарийн мэргэжлийн шинжээчдийн дүгнэлт гаргахад дэмжлэг үзүүлж ажиллаж, Засгийн газар хоорондын эрхзүйн талаар харилцан туслах гэрээний үндсэн дээр гадаад улсаас хил гаалийн мэдээ, мэдээллийг мөрдөн шалгах ажиллагаанд оруулж өгөх үндсэн чиг үүрэгтэй ажиллах, үндсэн зарчмаар ажиллахаар тохиролцсон. “Эрдэнэс Тавантолгой” компанийн гүйцэтгэх захирлаар ажиллаж байсан Б.Ганхуяг нарын найман хүнийг хойшлуулашгүй шалтгаанаар баривчилсан. Ингэхдээ "Хишиг арвин индустрал" ХХК-ийн Ерөнхий захирал Б.Хишигдорж нарын гурван хүн, Б.Ганхуягийн хамаарал бүхий таван хүнийг баривчилсан. Мөрдөн шалгах ажиллагаа үргэлжилж, баривчлагдсан хүмүүсийн орон байранд үзлэг нэгжлэг хийх ажиллагаа явагдаж байна. "Хишиг арвин индустрал" ХХК-ийн тухайд бол “Эрдэнэс тавантолгой” компани анх үүсгэн байгуулагдсан цагаас хойш хөрс суулгалт болон олборлолт, оперотерийн үйл ажиллагааг эрхэлж байгаа үндэсний томоохон компанийн нэг юм. 

     Мөн бид  Нүүрсний хулгайн хэргийг шалгах ажлын хэсгээ өргөтгөн аймаг бүрээс гурван мөрдөгч нарыг татан оролцуулж байгаа. Нүүрсний хулгайн хэрэгт дөрвөөс таван чиглэлийн нотлох баримтыг цуглуулах шаардлагатай байгаа. Ингэхдээ нүүрсний хэмжээ, чанар агуулгыг тогтоох эхний ажлууд хийгдэнэ. Дараа нь эдгээр нүүрсний хэчнээн нь Гаалийн бүрдүүлэлт хийснийг шалгана. Мөн нүүрсний тээвэрлэлттэй холбоотой зүйлсэд ч шалгалтын ажиллагаа явуулна. Эдгээр тээврийн хэрэгслийн ард улс төрд нөлөө бүхий ямар хүмүүс байгааг ч тогтооно. Түүнчлэн мөрдөн шалгах ажиллагааны явцад хэчнээн хэмжээний нүүрс бүртгэлгүй, урд хөрш болон гуравдагч, дөрөвдөгч орнуудад экспортлогдсон гэдэг мэдээллийг авах том ажил байна. Энэ хүрээнд өнөөдөр 6:00 цагийн үед  Цагдаагийн Ерөнхий газрын мөрдөгчид болон Мэргэжлийн хяналтын газрын шинжээч нар, Хил хамгаалах байгууллагын ажилтан болон Гаалийн байгууллагын ажилтнууд  Өмнөговь аймгийн Цогтцэций суманд түр хугацаанд байрлаж мөрдөн шалгах ажиллагааг явуулахаар хөдөллөө" гэв. 


Х.НЯМБААТАР: Нүүрсний хулгайг шалгах Ажлын хэсгийн холбогдох байгууллагууд Цогтцэций суманд түр хугацаанд байрлаж, мөрдөн шалгах ажиллагаа явуулахаар болсон
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188