Бондын өрийн эргэн төлөлтийн асуудлаар Сангийн сайд Б.Жавхлан мэдээлэл хийж байна. 

Одоогоос 10 жилийн өмнө Засгийн газар олон улсын хөрөнгийн зах зээлд олон улсын кодтой арилжааны бонд арилжаалж эхэлсэн. Улмаар 1990-2012 хүртэл урт хугацаатай хөгжлийн зээлүүдийг авч эхэлсэн. Улмаар 2012 оноос манай гадаад өр зээлд шинэ хуудас нээгдсэн. 2022 онд Чингис бондын 136 сая ам.долларыг төлөх захирамжийг Сангийн яаманд Ерөнхий сайд үүрэг болгосон. Бид олон улсын байгууллагын хүлээсэн үүрэг хариуцлагын дагуу цаг хугацаанд нь буюу 2022 оны арванхоёрдугаар сарын 05-нд энэ өрийг бүрэн барагдуулж дууслаа. Энэ бол цаг хугацаанд нь зээлээ төлсөн сайн жишээ боллоо. Бид ямар ч хүнд үед гаднаас авсан төлбөрөө төлөх ёстой. Тэгэхгүй бол Монгол Улсын Засгийн газар дефолт болох эрсдэлтэй байдаг. 

      Сентури бондын төлбөрийг хойшлуулсан тул энэ онд Засгийн газрын гадаад өрийн дарамт ихээхэн буурсан. Ирэх оны яг өдийд бид Самурай бондыг төлнө. 30 тэрбум иенийг бид урьдчилан худалдаж авч, хуримтлуулсан. Эргэн төлөгдөх үед нийт 225 сая ам.долларыг энэ бондод төлнө. Иений болон төгрөгийн ханш үүнд нөлөөлөөд байна" гэв.