Нүүрсний хэргийг илчлэхийг шаардаж буй иргэдийн жагсаалтай холбоотой тайлбар Засгийн газраас хийж байна. Энэ талаар Засгийн газрын хэрэг эрхлэх газрын дарга Д.Амарбаясгалан "Өвлийн хүйтэнд жагсаж буй иргэдийн жагсаалыг өөр зорилгоор ашиглаж, үймээн самуун дэгдээх оролдлого хийхийг үгүйсгэхгүй. Тиймээс жагсаал зохион байгуулагчид аливаа асуудлыг яриа хэлэлцээрийн түвшинд шийдвэрлэх хэрэгтэй. Тиймээс миний биеэр ахлуулсан ажлын хэсэг байгуулсан. Ажлын хэсэг зохион байгуулагч нартай хамтарч ажиллана" гэв.

Эдийн засгийн хөгжлийн сайд Ч.Хүрэлбаатар "Л.Оюун-Эрдэнийн Засгийн газар хүн засгалдаг байхад анхаарч байгаа. Л.Оюун-Эрдэнийн Засгийн газар нүүрсний хулгайн хэргийг илрүүлэхээр гурван удаа ярьж, эцэст нь Эрдэнэс тавантолгой ХК-д онцгой дэглэм тогтоосон. Нүүрстэй холбоотой гурван төрлийн зүйл бий. Нэгдүгээрт, нүүрстэй холбоотой гэрээ бий. Хоёрдугаарт, нүүрс тээвэр, гуравдугаарт, төмөр замтай холбоотой асуудал бий. Энэ гурван асуудал дээр 10 эрүүгийн хэрэг үүсгэн шалгаж байна. Үүнд Эрдэнэс тавантолгой ХК-ийн захирлаар ажиллаж байсан Д.Ариунболд, Д.Ганхуяг, Худалдан авалтын хэлтсийн дарга Б.Отгонжаргал, Дотоод хяналт, эрсдэлийн удирдлагын газрын дарга Х.Нурлат нарыг шалгаж байна. Тавантолгой төмөр зам дээр тус компанийн захирлаар ажиллаж байсан Н.Удаанжаргал болон тус компанийнхан, Гаалийн ахлах байцаагч Д.Эрдэнэбаяр, ХХЕГ-ын Гашуунсухайт дахь төлөөлөгч Доржжүгдэр, Дэлгэрдалай нарын 10 гаруй хүнд эрүүгийн хэрэг үүсгээд байна " гэв