УИХ-ын гишүүн Т.Доржханд болон АН-ын гишүүд нүүрсний хулгайн асуудлаар мэдээлэл хийлээ.

    Тэрбээр "Монголын түүхэнд эд хүйтний үед иргэд тэр тусмаа залуучууд жагсаж байна. Дийлэнх иргэд үнэндээ сэтгэлээсээ жагсаж байгаа бол зарим зохион байгуулалттай оролцож байгаа хүмүүс ч  байгаа нь ажиглагдаж байна. Энэ хулгайн асуудлыг хөөсрүүлдэг, эзэн нь хэн юм, ямар дүнтэй, ер нь хулгай байгаа эсэхийг  мартагдуултал саармагжуулдаг ажлууд хийгдээд байна.  Иймд Хүн нам, АН-ын зарим гишүүд хамтран нийтийн сонсгол хийхээр шийдвэрлэсэн.  Монгол Улсын хуулийн хүрээнд бидэнд нийтийн  сонсгол хийх эрх нь бий. Энэ хүрээнд Монгол Улсын Их Хурлын дарга Г.Занданшатарт  шаардлага хүргүүллээ.  Нүүрсний хулгайн асуудлыг УИХ-ын хуралдаанаар нээлттэй хэлэлцье. Хулгайд зориулж түр байгуулсан хорооны ажил саатаад байна. Энэ жагсаал үр дүнтэй байх ёстой" гэлээ.