Нийслэлийн засаг дарга Д.Сумъяабазар Нийслэлийн иргэдийн төлөөлөгчийн хуралд өргөн барьсан 2023 оны төсвийн төслөөс зарим саналаа эгүүлэн татахаар болсон талаар НЗДТГ-ын хэвлэлийн төлөөлөгч Н.Сугар мэдээлэл өглөө.

    Тэрбээр “Нийслэлийн иргэдийн төлөөлөгчийн хурал дахь МАН-ын бүлэг 2023 оны улсын төсвийг хэлэлцэж байгаа энэ үед улс төрийн шийдвэр гаргаж, Сэлбэ гол төслийн нэгжид зарцуулахаар төсөвлөсөн байсан 3.1 тэрбум төгрөгийг санхүүжилтийг дэмжихгүй гэх шийдвэр гаргасан. Үүнтэй холбоотойгоор  Нийслэлийн Засаг дарга бөгөөд Улаанбаатар хотын захирагч Д.Сумъяабазар энэ саналаа эгүүлэн татаж байна. Мөн Боловсролын судалгаа шинжилгээний газрын төсвийг  1.9 тэрбум төгрөгөөр бууруулах шийдвэр гаргасан.

            Сүүлийн үед Сэлбэ голтой холбоотой нийгмийн шүүмжлэл, хэлэлцүүлэг гарах болсон. Энэ төсөл нь ямар ач холбогдолтой гэдэг талаар тайлбарлавал,

    2018 онд БНХАУ болон Монгол Улсын засгийн газрын зээлийн хэлэлцээрийн хүрээнд 60 сая ам.доллароор Сэлбэ голыг тохижуулах,  урсцыг нэмэгдүүлэх, төсөлд санхүүжилт хийхээр тохиролцсон. Ингээд Нийслэлийн засаг дарга Д.Сумъяабазар энэ төслийг явуулах нь зүйтэй. Хэрвээ урсцыг нь сайжруулбал, гурван байршилд томоохон хэмжээний цөөрөм байгуулж, байгалийн агаарын чийгшил, ундны усны нөөц зэрэг Улаанбаатар хотын иргэдийн чухал ач холбогдолтой учир уг төслийг явуулах нь зүйтэй гэж үзсэн юм. Энэ төсөл нь урт хугацаанд гацсан байсан. Энэ сонгон шалгаруулалтад Б.Цэцэг шалгарч, түүнийг НЗДТГ-ын даргын тушаалаар томилсон. Гэтэл түүнийг мэргэжлийн бус хүн төслийг удирдаж байна нийгэм бухимдаж эхэлсэн.

      Одоогийн байдлаар "Сэлбэ гол" төсөлд улсын төсвөөс зарцуулагдаагүй. Ирэх оны төсөв тусгагдсан 3.1 тэрбум төгрөгийн санхүүжилтийг НИТХ дахь МАН-ын бүлэг төсвийг хэлэлцэж байгаа энэ үед улс төрийн шийдвэр гаргаж, дэмжихгүй гэсэн учир Нийслэлийн Засаг дарга Д.Сумъяабазар уг төслөө эгүүлэн татаж байна" гэлээ.