Монгол Улсын Ерөнхийлөгч У.Хүрэлсүх, гэргий Л.Болорцэцэгийн хамт БНХАУ болон Япон Улсад төрийн дээд хэмжээний айлчлал хийж байгаа. Тус айлчлалын үеэр улс, орны хамтын ажиллагаанд харилцан тохиролцсон шийдвэрүүдийн талаар нийтлэлч, судлаач Д.Баярхүүгээс байр суурийг нь сонслоо.

       Тэрбээр “Монгол Улсын Ерөнхийлөгчийн энэ удаагийн айлчлал нь олон жилийн дараа хийж байгаа чухал айлчлал юм. Түүнчлэн энэ удаагийн айлчлал Монгол Улс, Япон Улсын харилцаан улс төрийн дээд түвшинд хүрсэн гэдгийг нотолж байна. Учир нь Монгол Улс, Япон Улсын дипломат харилцаа тогтоосны 50 жилийн ойн хаалтын арга хэмжээ болж байна. Монгол Улсын Ерөнхийлөгч Японы эзэн хаанд бараалхаж, Ерөнхий сайдтай  өнгөрсөн жилүүдэд хийсэн хамтарсан ажиллагаанд гарын үсэг зурлаа. Монгол Улсын Ерөнхийлөгчийн хэлснээр Монгол, Японы харилцаа нь ах дүүгийн найрамдалт харилцаа хэмээн дүгнэсэн. Монгол Улс стратегийн түншлэлийг зургаан улстай тогтоосон байдаг. Үүнээс иж бүрэн стратегийн түншлэлийг хоёр улстай тогтоосон байдаг бол гуравдагч хөрш болох Япон Улстай тусгай стратегийн түншлэлийг тогтоолоо. Мөн ойрын 10 жилд хамтран хэрэгжүүлэх хөтөлбөрийг баталлаа.  Энэ нь хоёр орны харилцааны уур амьсгалыг нэлээд өөрчиллөө. Япон Улсаас эрх чөлөө, ардчилал, хуулийн засаглал гэсэн гурван үнэт зүйлийг баримталж, манай улстай хамтран ажиллаж байна. Мөн өчигдөр Монгол Улсын Ерөнхийлөгч Япон Улсын Эзэн Хаантай зургаан удаа уулзаж, зарим асуудлыг хэлэлцсэн нь ховор тохиолдол гэж үзэж байна. Энэ тухай Японы улс төрийн удирдлагууд ч онцолж хэлж байсан юм” гэв.