Монгол Улс, Япон Улсын хооронд дипломат харилцаа тогтоосны 50 жилийн ойг тохиолдуулан хоёр улсын харилцаанд оруулсан үнэтэй хувь нэмэр, хөдөлмөр, зүтгэлийг нь үнэлж Япон Улсын иргэн, Япон Улсаас Монгол Улсад суугаа элчин сайд асан Монгол Улсын төрийн одон, медаль болох Алтан гадас  одонгоор шагналаа. Шагналыг Монгол Улсын Ерөнхийлөгч У.Хүрэлсүх Япон улсад хийж буй айлчлалын үеэр албан ёсоор гардуулсан юм. Энэ үеэр баярын сэтгэгдлийг нь хуваалцлаа.

-Монгол Улсын төрийн дээд одон медалиар шагнуулсан танд баяр хүргэе. Хоёр орны найрсаг харилцаа, хамтын ажиллагааны 50 жилийн ойн хүрээнд шагнууллаа. Бас түүхэн үйл явдал болов уу?

-Тийм ээ. Баяртай байна. Би 2016-2019 онд Япон Улсаас Монгол Улсад суух онц бөгөөд бүрэн эрхт Элчин сайдаар томилогдон ажиллаж байлаа.

Хоёр орон дипломат харилцаа тогтоосны 50 жилийн ойн хүрээнд шагнуулсанд баяртай байна. Манай  хоёр улс хүн төвтэй харилцаанд тулгуурлан хамтран ажиллана гэдэгт итгэлтэй байна.

-Цаашид хоёр улсын хамтын ажиллагааг сайжруулах чиглэлд хэрхэн ажиллах вэ?

-Эдийн засгаа харилцаа нэгэн тэргүүнд чухал. Түүнээс гадна одоогийн байдлаас харахад улс төрийн нөхцөл байдал тун чухал гэж харж байна. Түүнчлэн соёл, урлаг, түүх, шинжлэх ухаан зэрэг бүхий л салбарт хамтран ажиллах нь чухал.