Монгол Улс, Япон Улсын хооронд дипломат харилцаа тогтоосны 50 жилийн ойг тохиолдуулан хоёр улсын харилцаанд оруулсан үнэтэй хувь нэмэр, хөдөлмөр, зүтгэлийг нь үнэлж Япон Улсын иргэн, Японы олон улсын хамтын ажиллагааны “Жайка” байгууллагын Ерөнхийлөгч Танака Акихиког Монгол Улсын төрийн одон, медаль болох Алтан гадас  одонгоор шагналаа. Шагналыг Монгол Улсын Ерөнхийлөгч У.Хүрэлсүх Япон улсад хийж буй айлчлалын үеэр албан ёсоор гардуулсан юм. Энэ үеэр баярын сэтгэгдлийг нь хуваалцлаа.

         -Монгол Улсын төрийн дээд одон медалиар шагнуулсан танд баяр хүргэе. Та баярын сэтгэгдлээ хуваалцахгүй юү?

         -Монгол Улсын төрийн одон, медалиар шагнуулсандаа туйлын баяртай байна. Энэ бол миний хувьдаа авч байгаа шагнал биш. Япон Улсаас Монгол Улсад хэрэгжүүлж буй “Жайка” төслийг амжилттай хэрэгжүүлсэнд олгосон  шагнал гэж бодож байна.

        -“Жайка” олон улсын байгууллагын хэрэгжүүлж буй төсөл Монголд олон жил хэрэгжиж байгаа үр дүнтэй төсөл. Цаашид үргэлжлүүлэх үү?

        -Би нэг сарын өмнө Монгол Улсад айлчилж очсон. Тэр үед Монгол Улсын Ерөнхийлөгч намайг албан ёсоор хүлээн авч уулзсан. Энэ үеэр “Жайка” төслийг дунд хугацааны бодлого төсөл хэрэгжүүлэх талаар  ярилцсан.